Unang Tagay Ngayong Nobyembre

Boring pala pag walang pasok, lalo na yung matagal na holidays. Wala akong ginawa sa bahay kundi maglaba, mag basa ng libro (ng mga kwento at istoryang ilang beses ko na rin nabasa), at matulog ng tatlong beses sa isang araw (akala mo pagkain). Gustuhin ko man lumabas pag gabi, di naman ako pinayagan ng magulang ko. Internet na lang at yung isda kong si Fishy-poo ang kausap ko (oo ako lang talaga mag isa sa bahay).

Naisip kong lumabas at maglakad sa kung saan (baka sa uste. gusto ko na makita yung mga ilaw sa lover's lane..kahit wala akong lover). Di lang natuloy. Baka sa susunod na lang na maisipan kong mag muni-muni mag isa.

Masaya mag lakad mag-isa. Titingnan ka nga lang ng mga tao ba't ka nagso-solo eh hindi pa naman Valentine's day. (okay biteresa..fine..)

Naalala ko may blog akong ginawa noon tungkol sa paglalakad mag-isa isang Biyernes ng gabi. Okay yung blog na yun. Kasalanan ng ex ko yung nangyaring yun pero maganda ang kinalabasan ng blog.

Ayun. Tapos na ang holidays. Sa katapusan pa ng Nobyembre ang susunod na long weekend. Pero kagabi, naisipan ng mga ka-opisina ko na mag inuman. Ang saya! Bonding session naming 121 gang (minus 1) ay laging nadadala sa inuman. Masarap pa rin ang frozen tequila sunrise (tama ba?), na isang pitchel, na inorder namin. Wala namang nalasing. Kwentuhan tungkol sa love-life, mga tao, at mga future gimiks ang usapan. Pero highlight ng gabi ay nung nakasabayan naming uminom ang MD namin! Sobra nakakatuwa (kahit medyo maubos-ubos ang ingles ko) kausap si Krish! Dami pala nyang kwento lalo na tungkol sa tradition ng Indians. Di ko na ilalagay ang mga pinag-usapan namin. Kung hindi ka nakasama kagabi, sorry ka na lang (uuy parinig :D). Pero siguradong may next time pa yun at si Krish na ang nagsabi na sasabay sya sa amin sa kwentuhan (dictionary... where are you...) at sa inuman.

Isang lagok ng frozen drink at lahat ng alaala ay nakalimutan na. Dapat tumagay pa ng isa. Kaso hayaan na nating lumutang ang panaginip kahit sandali. Sa susunod na matinding inuman na lang ito lulunurin. (ano to??)